MWANAFUNZI KIDATO CHA PILI (FORM TWO) AVUNJA NYUMBA YA MWALIMU AIBA LAPTOP, TV, SIMU POCHI-MOROGORO

Jeshi la polisi mkoani Morogoro linamshikilia mwanafunzi wa kidato cha pili mwenye umri wa miaka 15 kwa tuhuma za kuvunja nyumba ya mwalimu wake na kuiba vitu mbalimbali ikiwemo kompyuta mpakato vyenye thamani ya milioni nane.

Kaimu kamanda wa jeshi la polisi mkoani Morogoro kamishina msaidizi wa Polisi Hassan Omary amesema mwanafunzi huyo alifanya uharifu huo Julai 23, 2023 na kuiba vitu hivyo ambapo mwalimu amevitambua.

Kamanda Omary amevitaja vitu hivvyo kuwa ni kompyuta mpakato (Laptop Apple) mbili, TV inchi 25, Redio mbili, Begi lenye nguo mbalimbali, Pasi ya Umeme, simu mbili aina ya Huawei na Tecno, chaja za simu tano, Speaker na Pochi mbili.

Aidha amesema katika mahojiano ya awali mwanafunzi huyo amekiri kutenda uhalifu huo kwa Anna Teleba ambaye ni mwalimu mwenye umri wa miaka 30 ambaye baada ya kuviona vitu hivyo amevitambua na jeshi la polisi linakamilisha upelelezi kwa ajili ya kumfikisha mahakamani.

CHANZO:MILLARDAYO