AJALI YA BODABODA NA GARI NDOGO YAUWA WAWILI SHINYANGA

Ajali mbaya imeuwa wawili Asha Ngishi na Mwanae Preciours Paschal wamefariki baada ya kugongwa na Gari akiwa amebebwa kwenye pikipiki maarufu bodaboda akiwa anakwenda nyumbani kwao Mishepo akitokea Mkoani Morororo ambapo alienda kufuata vyeti vyake vya chuo cha Mzumbi Mkoani Humo.

NA HALIMA KHOYA - Huheso Digita Blog,SHINYANGA

Ajali hiyo imetokea October 11, majira ya jioni katika mtaa wa Nguzonane Manispaa ya Shinyanga wakati marehemu akiwa kwenye bodaboda kuelekea eneo la magari yaendayo kijijini kwao mishepo nje kidogo ya Manispaa ya Shinyanga.

Wakisimulia juu ya tukio hilo ndugu wa Marehemu Asha Ngisi na Preciours Paschal, wamesema kuwa, majira ya jioni walipigiwa simu kuwa Asha amepata ajali na ameshafariki ambapo wanabainisha kuwa Marehemu alikuwa akitoka kuchukua vyeti vyake vya kielimu.

Akithibitisha kupokea mwili wa Mwanamke huyo Mganga Mfawidhi hospitali ya Rufaa Mkoa Shinyanga Dkt. John Luzira pamoja na Mwanae ambaye amefariki akiwa anapatiowa huduma ya kwanza baada ya kufikishwa katika hospitali hiyo.

Kaimu Kamanda wa Jeshi la Polisi Mkoani hapa Jackson Mwakagonda amethibitisha uwepo wa ajali hiyo na kusema kuwa dereva wa pikipiki mara baada ya ajili hiyo alitokomea kusikojulikana huku likimshikiria dereva wa gari hilo