WANAWAKE WAMWANGUKIA BITEKO LESENI ZA UCHIMBAJI MADINI

 

Na PAUL KAYANDA HUHESO BLOG

ILI kufanya Uchimbaji wenye tija, kikundi cha Wanawake wa Halmashauri ya Msalala Wilayani Kahama Mkoani Shinyanga (UMS)  wamuomba waziri Dkt. Doto Bitko awape leseni ya Uchimbaji wa Madini ya Dhahabu katika kijiji cha Nyamishiga Kata ya Lunguya.

Wamesema kuwa serikali imewakabidhi Rush ambazo mpaka sasa  wanazisimamia vyema na wanakusanya maduhuli ya serikali na kuongeza kuwa iwapo watapata leseni watafanya vizuri zaidi.

Mwenyekiti wa kikundi hicho Levina Onesmo aliyasema hayo juzi wakati alipokuwa akizungumza na gazeti hili Ofisini kwake huku akisisitiza ombi lao lifanyiwe kazi hara kwa kuwa RUSH ni ya muda mfupi kwa mujibu wa taratibu za tume ya madini ukilinganisha kwa sasa wanawake wamekuwa wajasili na wanahitaji kunufaika.

“Kwa kweli zamani kulikuwa na mfumo dume ambapo wanaume pekee waliamini kuwa watafanyanya shughuli ya Madini bila wanawake tunamshukuru Mungu nasisi kama wanawake tumeweza kuthubutu na kwa sasa tunasimamia maeneo yenye mfumuko wa Madini ya Dhahabu,” alisema Levina mwenyekiti wa kikundi.

Aliendelea kusema kuwa Wanaiomba Wizara na tume ya Madini kuendelea kuwaamini wanawake kwenye sekta hiyo kwani niwaaminifu huku akitolea mfano kuwa mwanawake ni nidereva mzuri ni nadra sana kupata ajari mbaya wakati akiendesha gari barabarani anakuwa ni mwangalifu na kwamba serikali itumie uaminifu huo kuwapa leseni.

Emmanuel Charles ni mmoja kati ya viongozi kwenye eneo la mgodi amekili wanawake kuwa waaminifu hivyo ameunga mkono serikali iwaamini na kendelea kuwapa fursa ya kusimamia maeneo yanayoibukia kuwa na Madini ya Dhahabu.

“Kwa kweli mimi sina shaka na kundi la wanawake kwenye suala la kazi, kiukweli kwa sasa wanawake kupitia vikundi vyao wanachapa kazi siyo eneo la madini peke ake bali hata biashara zingine ni wamama wachache wanaokwama katika uendeshaji wa shughuli mbalimbali zinazoingiza kipato,” alisema Charles Mchimbaji Nyamishiga.