HOFU YA TETEMEKO LA ARDHI YATANDA KAHAMA

 

Wakazi wa Kata ya Ulowa wilayani Kahama mkoani Shinyanga wameingiwa na hofu dhidi ya matetemeko yanayojitokeza mara kwa mara hali ambayo imetajwa kuathiri nyumba zao.

Wananchi hao wameiomba serikali kupeleka wataalamu wa miamba ili kufanya utafiti wa tatizo hilo.

Baadhi ya nyumba za wakazi wa Kata hiyo zimeonekana kuwa nya nyufa ambazo wanadai kuwa ni kishindo cha matetemeko ambayo yanatokea mara kwa mara katika Kata ya Ulowa.

 

Mkuu wa Wilaya ya Kahama, Festo Kiswaga akiongozana na kamati ya ulinzi na usalama ya Wilaya ya Kahama ametembelea kujionea baadhi ya athari zilizoanza kujitokeza dhidi ya tetemekeko hilona kuzungumza na baadhi ya wakazi wa vijiji hivyo.

 

Mkuu wa Wilaya, Festo Kiswaga amesema kutokana na hofu ya wananchi pamoja na madai yao kuwa kumekuwa kunatokea na matetemeko ameahidi kuleta wataalum kwa ajili ya kupima na kuona ni kitu gani ambacho kinasababisha kuwa na tetemeko.

 

Kiswaga amewataka wananchi kutokuwa na hofu kwani tayari jambo hilo linafuatiliwa na litatolewa ufafanuzi.

 

Nae mkuu wa Jeshi la Zimamoto na uokoaji Wilaya ya Kahama, Hanafi Mkilindi amesema tetemeko hilo halijaleta athari kwa binadamu licha ya nyumba kuwa na nyufa ambazo zimetokea baada ya vishindo vinavyodaiwa kuwa ni tetemeko.