SITA MBARONI KWA KUCHOMA MOTO GARI LA SERIKALI

 

Jeshi la Polisi mkoani Morogoro,linawashikilia watu sita kwa tuhuma za kuchoma moto mali za Serikali zikiwemo;gari aina ya Land Cruiser,Pikipiki tatu,Kompyuta mpakato tatu na kifaa cha kupimia mipaka ya ardhi.

 

Akizungumza na waandishi wa habari ofisini kwake Kamanda wa Polisi mkoa wa Morogoro,Fortunatus Musilim,alisema tukio hilo lilitokea katika kijiji cha Melela kata ya Chita Wilaya ya Kilombero.

 

Kamanda Muslim,alidai watuhumiwa hao kutenda kosa hilo baada ya maafisa wa Ardhi kufika katika shamba linalomilikiwa na marehemu Daud Balali ambaye alikuwa Gavana wa Banki kuu ya Tanzania,kwa lengo la kupima mipaka ya shamba.

Aidh Musilim ameongeza kuwa katika tukio hilo dereva aliyefahamika kwa jina la Damas Sanga (51 ) alijeruhiwa baada ya wananchi hao kumkukuta kwenye gari na kuanza kumshambulia sehemu mbalimbali za mwili wake.

Kwa upande wake kamishina msaidizi wa Ardhi mkoa wa Morogoro,Frank Minzikuntwe,alisema vurugu hizo zimetokea baada ya maamuzi ya serikali ya kulipima shamba hilo ili liweze kupangwa upya matumizi yake baada ya kutelekezwa kwa muda mrefu huku wananchi wanalolizunguuka wakikosa maeneo ya kulima.