MSHAMBULIAJI WA REAL MADRID KARIM BENZEMA AANDAMWA NA KESI

 

Mshambuliaji wa klabu ya Real Madrid Karim Benzema atafikishwa mahakamani mwezi Oktoba kujibu kesi kuhusu tuhuma ya kuhusishwa na hujuma dhidi ya aliyekuwa mchezaji mwenzake katika timu ya taifa ya soka ya Ufaransa Matthieu Valbuena kuhusiana na ukanda wa vidio wa ngono. 

Taarifa hiyo imetangazwa leo na ofisi ya mwendesha mashtaka wa serikali wa mji wa Versaille. Benzema atafikishwa mahakamani kujibu tuhuma katika kesi hiyo kuanzia Oktoba 20 hadi 22 akitajwa kuhusika katika jaribio la kumsaliti mchezaji mwenzie.

Benzema anatuhumiwa alihusika kumshinikiza Valbuena mwaka 2015 kuwalipa watu kadhaa waliokuwa wakitishia kuachia ukanda wa vidio wa tukio la kashfa ya ngono linalomuhusishaValbuena.Valbuena alilipeleka polisi suala hilo. 

Benzema mshambuliaji hodari wa mchezo wa soka amepigwa marufuku katika timu ya taifa ya Ufaransa tangu Novemba mwaka 2015 kutokana na kadhia hiyo.