ABIRIA AFARIKI NDANI YA NDEGE

Ndege iligeuza safari kuelekea Morocco kwa ajili ya matibabu ya dharura

Ndege ya kampuni ya ndege ya kenya - Kenya Airways iliyokuwa ikisafiri kutoka New York ikielekea Nairobi ililazimika kugeuza safari na kwenda hadi Morocco baada ya abiria aliyepanda ndege hiyo kuugua na baadaye kufia ndani ya ndege.

Ndege hiyo imesema kuwa kifo hicho kilitokea Jumatatu.

Katika taarifa, yake Kenya Airways ilisema kuwa ndege hiyo iligeuza safari yake na kwenda hadi mjini Casablanca, Morocco, ambako madaktari katika uwanja wa ndege walibaini kuwa abiria huyo alikuwa ‘’hana faham una alithibitishwa kuwa alikuwa amefariki".

Taarifa za vyombo vya habari vya Kenya zinasema kuwa marehemu alikuwa na matatizo ya kupumua.

Watu wa familia yake walinukuliwa wakisema kwamba abiria huyo alikuwa na matatizo ya kiafya ya muda mrefu.

Madaktari ndani ya ndege hiyo waliripotiwa kuelezea hofu kuhusu dalili za udhaifu wa viungo vya abiria huyo ambavyo vilionesha kuwa vinashindwa kufanya kazi haraka.

CHANZO: BBC